Friday, October 9, 2020

Samsung Galaxy F41 அறிமுகம்: தரமான பட்ஜெட் விலை; அக்.16 முதல் விற்பனை!

 சாம்சங் அதன் எஃப் சீரிஸின் கீழ் தனது முதல் ஸ்மார்ட்போனை இந்தியாவில் அறிமுகப்படுத்தியது. அது சாம்சங் கேலக்ஸி எஃப் 41 ஆகும்.

சாம்சங் கேலக்ஸி எஃப் 41 ஸ்மார்ட்போன் இந்தியாவில் அறிமுகமானது. என்ன விலை, எப்போது முதல் விற்பனை, என்னென்ன அம்சங்கள், இதோ முழு விவரங்கள். சாம்சங் நிறுவனம் இந்தியாவில் அதன் புதிய சாம்சங் கேலக்ஸி எஃப் 41 ஸ்மார்ட்போனை அறிமுகம் செய்துள்ளது. சாம்சங் கேலக்ஸி எஃப் 41 ஸ்மார்ட்போன் சாம்சங்கின் புதிய கேலக்ஸி எஃப்-சீரிஸின் முதல் மாடல் ஆகும். இந்த ஸ்மார்ட்போனில் சிங்கிள் டேக் அம்சத்துடன் 64 மெகாபிக்சல் இமேஜ் சென்சார், வாட்டர் டிராப் நாட்ச் வடிவமைப்புடன் சூப்பர் அமோலேட் டிஸ்ப்ளே மற்றும் 6000 எம்ஏஎச் பேட்டரி போன்ற மிரட்டலான அம்சங்கள் உள்ளன.

சாம்சங் கேலக்ஸி எஃப் 41 - டிஸ்பிளே, ரேம் மற்றும் ப்ராசஸர்:



டூயல் சிம் (நானோ) ஆதரவு கொண்ட சாம்சங் கேலக்ஸி எஃப் 41 ஸ்மார்ட்போன் ஆனது ஆண்ட்ராய்டு 10 ஓஎஸ் அடிப்படையிலான நிறுவனத்தின் சொந்த ஒன் யுஐ கோர் உடன் இயங்குகிறது. இது 6.4 இன்ச் அளவிலான புல் எச்டி + சூப்பர் அமோலேட் இன்பினிட்டி-யு டிஸ்ப்ளே (நிறுவனம் இதை வாட்டர் டிராப்-ஸ்டைல் டிஸ்ப்ளே நாட்ச் என்கிறது) 420 நிட் வரை என்கிற பீக் ப்ரைட்னஸ் உடன் கொண்டுள்ளது. ஹூட்டின் கீழ், எக்ஸினோஸ் 9611 SoC உள்ளது, இது 6 ஜிபி எல்பிடிடிஆர் 4 எக்ஸ் ரேம் உடன் இணைக்கப்பட்டுள்ளது. இந்த SoC பல்வேறு சாம்சங் கேலக்ஸி எம்-சீரிஸ் ஸ்மார்ட்போன்களை இயக்கும் ஒரு ப்ராசஸர் ஆகும், அவைகளில் சமீபத்தில் அறிமுகப்படுத்தப்பட்ட சாம்சங் கேலக்ஸி எம் 31 எஸ் ஸ்மார்ட்போனும் அடங்கும்.

சாம்சங் கேலக்ஸி எஃப் 41 - ரியர் மற்றும் செல்பீ கேமராக்கள்:

கேலக்ஸி எஃப் 41 ஸ்மார்ட்போனில் ட்ரிபிள் ரியர் கேமரா அமைப்பு உள்ளது. அதில் 64 மெகாபிக்சல் முதன்மை சென்சார் உள்ளது. மேலும் இந்த கேமரா அமைப்பில் 8 மெகாபிக்சல் இரண்டாம் நிலை சென்சார் உள்ளது, இது அல்ட்ரா-வைட்-ஆங்கிள் லென்ஸுடன் 123 டிகிரி பீல்ட் ஆப் வியூவை வழங்குகிறத மற்றும் லைவ் போகஸ் ஆதரவுடன் 5 மெகாபிக்சல் மூன்றாம் நிலை சென்சார் உள்ளது. இது 4 கே வீடியோ பதிவுகளையும் ஆதரிக்கிறது. செல்பீக்களுக்காக இதில் 32 மெகாபிக்சல் கேமரா உள்ளது, இதுவும் லைவ் போகஸ் ஆதரவுடன் வருகிறது.

சாம்சங் கேலக்ஸி எஃப் 41 - கனெக்டிவிட்டி, சென்சார்கள், பேட்டரி:



பின்புறத்தில் கைரேகை சென்சாரை கொண்டுள்ள இந்த ஸ்மார்ட்போன் 4 ஜி எல்டிஇ, வைஃபை 802.11 ஏசி, ப்ளூடூத் 5.0, ஜிபிஎஸ் மற்றும் யூ.எஸ்.பி டைப்-சி மாற்றம் 3.5 மிமீ ஆடியோ ஜாக் போன்ற இணைப்பு ஆதரவுகளை கொண்டுள்ளது. மேலும், சேமிப்பக விரிவாக்கத்திற்காக 512 ஜிபி வரை மெமரி நீடிப்பை வழங்கும் மைக்ரோ எஸ்டி கார்டு ஸ்லாட்டுடன்128 ஜிபி வரையிலான இன்டர்னல் ஸ்டோரேஜும் கிடைக்கும். சாம்சங் கேலக்ஸி எஃப் 41 ஸ்மார்ட்போனின் இந்த மொத்த அமைப்பும் ஒரு 6,000 எம்ஏஎச் பேட்டரி மூலம் சக்தியூட்டப்படுகிறது. இது பாஸ்ட் சார்ஜ் செய்வதற்கான ஆதரவுடன் பேக் செய்கிறது - 15W சார்ஜர் பெட்டியில் தொகுக்கப்பட்டுள்ளது. இதன் உள்ளமைக்கப்பட்ட பேட்டரி 21 மணிநேர ப்ரவுஸிங் நேரம் அல்லது 48 மணிநேர குரல் அழைப்பை ஒரே சார்ஜில் வழங்கும் என்று மதிப்பிடப்பட்டுள்ளது. கடைசியாக, இந்த ஸ்மார்ட்போன் அளவீட்டில் 8.9 மிமீ தடிமன் மற்றும் 191 கிராம் எடையும் கொண்டுள்ளது.

சாம்சங் கேலக்ஸி எஃப் 41 - விலை மற்றும் விற்பனை தேதி:


புதிய சாம்சங் கேலக்ஸி எஃப் 41 ஸ்மார்ட்போனின் 6 ஜிபி + 64 ஜிபி ஸ்டோரேஜ் மாடலானது இந்தியாவில் ரூ.16
,999 க்கும், இதன் 6 ஜிபி + 128 ஜிபி ஸ்டோரேஜ் மாடலானது ரூ.17,999 க்கும் அறிமுகமாகி உள்ளது. சாம்சங் கேலக்ஸி எஃப் 41 ஸ்மார்ட்போன் ஆனது ஃப்யூஷன் கிரீன், ஃப்யூஷன் பிளாக் மற்றும் ஃப்யூஷன் ப்ளூ கலர் விருப்பங்களில் வருகிறது. இது வருகிற அக்டோபர் 16 ஆம் தேதி முதல், பிளிப்கார்ட்டில் நடக்கும் பிக் பில்லியன் டேஸ் விற்பனையில் ரூ.15,499 என்கிற சலுகை விலையில் வாங்க கிடைக்கும்.

No comments:
Write comments