பல Jio திட்டங்கள் மீது விலை உயர்வு

 ஏர்டெல் மற்றும் வி நிறுவனங்கள் தத்தம் ப்ரீபெய்ட் திட்டக் கட்டணங்களை உயர்த்திய பிறகு, இந்திய டெலிகாம் சந்தையில் மிகப்பெரிய டெலிகாம் நிறுவனமான ரிலையன்ஸ் ஜியோவும் அதன் திட்டங்களுக்கான கட்டணங்களை திருத்தியுள்ளது.

 


திருத்தப்பட்ட புதிய ஜியோ ப்ரீபெய்ட் திட்டங்களின் விலைகள் வருகிற டிசம்பர் 1, 2021 முதல் நேரலைக்கு வந்த்து. நாட்டில் உள்ள மற்ற இரண்டு முக்கிய தொலைத்தொடர்பு சேவை வழங்குநர்களான ஏர்டெல் மற்றும் வி ஆகியவைகள் சமீபத்தில் தங்கள் கட்டணத் திட்டங்களின் விலைகளை உயர்த்தியதால் ஜியோவின் இந்த விலை உயர்வு நன்கு எதிர்பார்க்கப்பட்ட ஒரு நடவடிக்கையே ஆகும்.

 

ஜியோ அறிவித்துள்ள இந்த விலை உயர்வின் கீழ் ஜியோ போன் திட்டங்களுடன், டேட்டா-ஆட்-ஆன்களும் அடங்கும்.

 

புதிய விலை நிர்ணயங்களை பொறுத்தவரை, அன்லிமிடெட் வாய்ஸ் கால்கள் மற்றும் 50 எஸ்எம்எஸ் திட்டத்துடன் மாதத்திற்கு 3ஜிபி டேட்டாவை வழங்கிய ரூ.75, தற்போது ரூ.16 என்கிற விலை உயர்வை பெற்று இனிமேல் ரூ.91க்கு ரீசார்ஜ் செய்ய கிடைக்கும். இதன் செல்லுபடியாகும் காலம் 28 நாட்கள் ஆகும்.

 

இதேபோல ரூ.129 ரீசார்ஜ் இப்போது ரூ.26 விலை உயர்வைக் கண்டுள்ளது, இனிமேல் ரூ.155க்கு ரீசார்ஜ் செய்ய கிடைக்கும். மேலும் மிகவும் பிரபலமான ரூ.399 திட்டம் இனிமேல் ரூ.479 க்கு கிடைக்கும்.

 

ஜியோவின் நீண்ட காலம் செல்லுபடியாகும் திட்டங்களும் விலை ஏற்றத்தைக் கண்டுள்ளன. பிரபல திட்டமான ரூ.599 ஆனது டிசம்பர் 1 ஆம் தேதி முதல் ரூ.719 க்கு ரீசார்ஜ் செய்ய கிடைக்கும்.மேலும் மிகவும் விலை உயர்வான ரூ.2399 ஆனது இனிமேல் ரூ.2879 க்கு கிடைக்கும்.

 

டேட்டா ஆட்-ஆன்களை பொறுத்தவரை ரூ.51, ரூ.101 மற்றும் ரூ.251 பிளான்கள் இனிமேல் ரூ.61, ரூ.121 மற்றும் ரூ.301 க்கு ரீசார்ஜ் செய்ய கிடைக்கும்.

Tamil Tech Solution

Hi Friends, Get the best how to tutorials for mobile devices and technology. Tamil Tech Solution offers latest tech news, tips, tricks, advices and more on smart phones, tablets, laptops and computers. Information technology is concerned with improvements in a variety of human and organizational problem-solving endeavors, through the design, development and use of technologically based systems and processes that enhance the efficiency and effectiveness of information in a variety of strategic, tactical and operational situations.

Post a Comment

Previous Post Next Post