மலிவான பெட்ரோல்-டீசல் எங்கே கிடைக்கும்? என்பதைக் காண சில ஆப்ஸ்...

பெட்ரோல் விலை தொடர்ந்து அதிகரித்து வருவதால் உங்களுக்குத் தேவையான சில செயலிகள் குறித்து இங்கு பட்டியலிட்டுள்ளோம். இவற்றின் உதவியுடன் உங்கள் நகரத்தில் உள்ள பெட்ரோல், டீசல் விலையை நிகழ்நேரத்தில் தெரிந்துகொண்டு, குறைவான விலையில் இவை கிடைக்கும் இடத்தை தேர்வுசெய்து, பெட்ரோல் அல்லது டீசலை உங்கள் வாகனத்திற்கு நிரப்பிக் கொள்ளலாம்.




அதிகரித்து வரும் பெட்ரோல் டீசல் விலையேற்றம் சாமானியர்களை வெகுவாக பாதிக்கிறது. இது மக்களின் தினசரி பட்ஜெட்டை பன்மடங்கு உயர்த்தியுள்ளது. பெட்ரோல், டீசல் விலையில் ஏற்ற இறக்கம் காணப்படுவதால், விலையை மதிப்பிடுவதில் நுகர்வோருக்கு சிக்கல் எழும்.

 

இந்த குறையைப் போக்க சில செயலிகள் அவர்களுக்கு உதவியாக இருக்கிறது. அந்த செயலிகள் குறித்து தான் இன்று நாம் பார்க்கப் போகிறோம். இவற்றின் உதவியுடன் வீட்டில் இருந்தபடியே பெட்ரோல், டீசல் விலையை நிகழ்நேரத்தில் தெரிந்துகொள்ளலாம். எரிபொருளின் உண்மையான விலை மற்றும் குறைந்த விலையில் எரிபொருளை எங்கு வாங்குவது என்பதை அறிய இந்த ஆப்ஸ் உதவுகிறது.


Fuel@IOC:

இது பொதுத் துறை நிறுவனமான இந்தியன் ஆயில் கார்ப்பரேஷனின் செயலியாகும். இது உங்கள் நகரத்தில் நேரடி எரிபொருள் விலையைச் சரிபார்க்க உதவுகிறது. ஆப்பிள் iOS மற்றும் கூகுள் ஆண்ட்ராய்டு ஆகிய இரண்டு இயங்குதளத்திலும் இந்த செயலியை நிறுவலாம். இதன் சேவைகளை பெற, நீங்கள் ஒரு கணக்கை உருவாக்க வேண்டும். செயலியில் உள்ள 'எங்களைத் தேடு' தேடுபொறியைப் பயன்படுத்தி, உங்கள் அருகில் உள்ள பெட்ரோல் டீசல் நிரப்பும் இடங்களில் உள்ள நிகழ்நேர விலையை பார்க்க முடியும்.

SmartDrive:

இதுவும் பொதுத் துறை நிறுவனமான பாரத் பெட்ரோலியம் கார்ப்பரேஷன் லிமிடெட் BPCL-இன் செயலியாகும். இது உங்களுக்கு தினசரி எரிபொருள் விலையைக் காட்டுகிறது. மேலும், உள்ளூர் எரிபொருள் நிலையங்களின் இருப்பிடம் மற்றும் நிகழ்நேர விலையையும் இந்த செயலி மூலம் அறிந்து கொள்ளலாம். பாரத் பெட்ரோலியம் விரும்பிகளுக்கு இந்த செயலி பயனுள்ளதாக இருக்கும்.

Daily Petrol/Diesel price:

நகரங்களில் பெட்ரோல் டீசல் விலை, பல்வேறு மாநிலங்களில் உள்ள எரிபொருள் விலையை இங்கே அறிந்து கொள்ளலாம். இதில், எரிபொருள் விலையின் ஏற்ற இறக்கங்களும் தெளிவாக குறிப்பிடப்பட்டிருக்கும்.

MapMyFuel:

மேப் மை ஃபியூயல் ஒரு ஒருங்கிணைந்த பயன்பாடாகும். பெட்ரோல் மற்றும் டீசல் விலைகளை குறித்து பயனர்கள் ஒருவருக்கொருவர் பகிர்ந்துகொள்ள முடிகிறது. நிகழ்நேர விலையை நிகழ்விடத்தில் இருந்து நண்பர்களுடன் பகிர்ந்து கொள்ளலாம். பெட்ரோல், டீசல் விலை தவிர, சிஎன்ஜி எரிபொருள் விலை குறித்த தகவலும் இந்த செயலியில் கிடைக்கிறது. இது IOCL, HPCL, BPCL, ரிலையன்ஸ் பெட்ரோலியம், எஸ்ஸார் பெட்ரோலியம், ஷெல் இந்தியா ஆகியவற்றின் கீழ் உள்ள எரிபொருள் நிரப்பும் நிலையங்களை ஒருங்கிணைத்து நுகர்வோருக்கு சேவை வழங்குகிறது.

Tamil Tech Solution

Hi Friends, Get the best how to tutorials for mobile devices and technology. Tamil Tech Solution offers latest tech news, tips, tricks, advices and more on smart phones, tablets, laptops and computers. Information technology is concerned with improvements in a variety of human and organizational problem-solving endeavors, through the design, development and use of technologically based systems and processes that enhance the efficiency and effectiveness of information in a variety of strategic, tactical and operational situations.

Post a Comment

Previous Post Next Post